咬紧牙子，硬子头皮，拿屋里的房子抵给兹银行。出兹娘肚皮头一次拿着格场大一笔铜钿，两只手才(全)勒亥(在)发抖。走出银行又进兹另一家银行，神气活老言格对工作人员讲：“开户，伲要炒股票。”半格钟头过后，吾成兹千千万万个股民中格一份子。

　　2006年，是中国股市最红火格辰光，成就兹穷多格富翁。所以勒亥后来格一段时间，全民开始炒股，当然，吾也勿例外。所不同格是，人家才是自家格私房铜钿，而伲是横竖横，拆牛棚哉，希望用银行格铜钿为自家带来财富。

　　伲一家们对股票才是一窍不通格，更勿提格些大盘、K线等专业名词勒，但不过既然准备做暴发户哉，总归要学一点格。勒亥同事、朋友格启蒙下，伲也像模像样格成兹操盘手。伲买股票可不像专业人士格场先进行分析，而是看哪只股格名字好听，看上去比较入眼就买。一个月试下来，居然赚兹一小把，心里格个开心啊，直呼自家是“股神”哉，但更多格还是人家推荐才买格，毕竟格场多格铜钿不是寻开心的。

　　刚刚开始炒股格格段辰光，整个股市行情还勿坍板到哪面，伲也就顺理成章格继续做我格“股神梦”。啥人晓得好景不长，股市开始走下坡哉，伲格心也跟兹吊起来哉。第一天跌兹100多点，第二天又涨兹几十点……就格场勒亥反复震荡里厢开始一路下滑。大盘一片绿油油格，钞票勒亥慢慢叫格减少，伲心里格个那个急啊，真个恨不得拿绿颜色涂成红颜色。想拿出来吧，又觉得太亏了，万一哪天涨了肯定后悔的不能再后悔，如果不拿出来，万一跌得更厉害我们一家就只能吃咸菜加馒头了，矛盾的心理伴随着夜不能寐。

　　大家才勒亥讲奥运期间大盘会得涨格，伲就索性再等等。勿晓得奥运会精彩上演哉，股票倒创造兹有史以来跌格最猛格记录。眼睛定洋洋格盯牢屏幕发呆。看来伲一家们真格要吃咸菜加馒头哉。

　　伲格股票啊，奈啥辰光才能带来惊喜，让伲也有机会为奈喝彩。